/2021.11.24/ Нийслэл болон хөдөө орон нутаг дахь И-Монголиа цахим системийн хэрэглээ болон сэтгэл ханамжийн судалгаа хийхийн тулд 150 сая төгрөгийн тендер зарлажээ.

Өнгөрсөн сарын 21-нд зарласан бөгөөд одоогоор тендерийн материал хүлээн авч байгаа юм.

Дээрх тендерийн талаар Харилцаа холбоо, мэдээллийн технологийн газрын олон нийттэй харилцах хэлтсээс тодруулахад "Үндэсний хэмжээнд /нийслэлийн есөн дүүрэг, орон нутгийн 330 сум/ нийт гурван мянган хүнээс төрийн үйлчилгээ болон и-монголиа аппликэйшний үйлчилгээнд сэтгэл ханамжийн судалгаа хийнэ. Судалгаанд зарцуулах 150 сая төгрөгийн төсөвт өртөг бүхий тендерийг дөрөв дэх удаагаа зарлаж байгаа. Өмнө нь зарласан тендер тодорхой шалтгааны улмаас цуцлагдсан" гэв.