/2021.11.22/ ОХУ-ын Ерөнхийлөгч Владимир Путин ковидын эсрэг вакцины гуравдугаар тунгаа өнгөрөгч амралтын өдрүүдэд тариулжээ.

Тэрээр Россия24 телевизийн сувгаар ярилцлага өгөхдөө "Би ердөө хоёр цагийн өмнө III тунгаа тариуллаа" хэмээн ярьсан байна. Хэдийгээр ОХУ дотооддоо ковидын эсрэг вакцин үйлдвэрлэж байгаа ч хүн амынх нь ердөө 36,7 хувь нь л бүрэн тундаа хамрагдаад байгаа юм.

Тус улсын хувьд 9,3 сая тохиолдол батлагдаж, ковидын улмаас 258 мянган хүн үрэгджээ.

Эх сурвалж: scmp.com