Ч.Номин: “Богд зонхова” цогцолборын төсөлд хөрөнгө ЗАРЦУУЛАХГҮЙ
 

Ч.Номин: “Богд зонхова” цогцолборын төсөлд хөрөнгө ЗАРЦУУЛАХГҮЙ

/2021.11.22/ Богд Зонхова цогцолборын талаарх шуугиан амралтын өдрүүдэд сошиал ертөнцөд хүчтэй давалгааллаа.

Энэ талаар Соёлын сайд Ч.Номин дараах тайлбарыг өөрийн мэдээллийн хуудастаа бичжээ. Тэрээр:

"Түүх, шашны соёлыг дэлгэрүүлэх "Богд Зонхова" цогцолборын төсөл намайг Соёлын сайдаар томилогдохоос өмнө эхэлсэн төсөл юм.

Анх Соёлын яам энэ цогцолборыг барих, эхлүүлэх санаачилга гаргаагүй, өнгөрсөн хугацаанд энэ төсөлд нэг ч төгрөг зарцуулаагүй болно.

Энэ хөрөнгө оруулалтыг цаг үеэ олоогүй гэж үзэж байгаа учраас Соёлын сайдын хувьд “Богд зонхова” цогцолборын төсөлд хөрөнгө зарцуулахгүй болохоо үүгээр мэдэгдэж байна.

Монгол Улсын хувьд түүх, соёл, шашин нь бидний оршин тогтнохтой холбоотой асуудал. Гэвч, аль ч шашинд сүсэглэх, шүтэх нь аливаа цогцолборыг барих, болихоос үл шалтгаалах дотоод итгэл үнэмшлийн асуудал тул эвийг эрхэмлэхийг Та бүхнээс хичээнгүйлэн хүсье" гэжээ.

Бензиний үнийг огцом биш аажмаар нэмэх зөвлөмжийг өгчээ
Такси үйлчилгээг дэмжих хууль эрхзүйн орчин БАЙХГҮЙ
Сэтгэгдэл (15)
Анхаар!
Та сэтгэгдэл бичихдээ Монгол Улсын хууль болон ёс суртахууны хэм хэмжээг баримтална уу. Мэдээний сэтгэгдлийн хэсгийг mpress.mn сайт хариуцах тул, ёс бус сэтгэгдлийг админ устгах эрхтэй.