/2021.11.16/: Монголын театрын музейн АГУЙ о2 - auditorium угсаатны хөгжим, язгуур урлагийн тоглолтын танхимд "Агуйд амилсан аялгуу" тайз дэлгэцийн тоглолт боллоо.
Агуй о2 нэршлийн утгын хувьд угсаатныг бүтээж буй бүхий л биет бус соёлыг хүчилтөрөгчтэй зүйрлэн нэрлэсэн ба Аудиториум нь сонсох, үзэх боломжийг үзэгчдэд олгох зорилгоор бүтээгдсэн дэлгэц, дуу авианы цогц шийдэл бүхий танхим юм.
Агуйн акустик давтамж нь тодорхой бүтэцтэй байдаг ба түүнийг дуу авианы тогтвортой давтамж мөн болохыг таньж эхэлснээр байгалийн дуу чимээ, шуугианаас авиаг ялгах чадвар хүнд үүссэн гэж үздэг. Энэ нь өвөг угсаатны хэл соёл, эгшиглэгээний язгуур үүсэх үйл явцыг хөгжүүлжээ.
Эх сурвалж: Соёлын яам
