/2021.11.12/ УИХ-ын чуулганы өнөөдрийн нэгдсэн хуралдаанаар 2022 оны улсын төсвийг баталсан. Үүнтэй холбогдуулж УИХ-ын гишүүн С.Одонтуяа байр сууриа илэрхийллээ.

Тэрбээр, "Монгол Улсыг хөгжүүлэх төсөв гэж харахгүй өөрсдөө л авч байвал боллоо гэсэн хандлагатай төсөв баталлаа. Гэхдээ энэ нь УИХ-ын гишүүдийн буруу бас биш. Тойрогтоо очихоор л сургууль, цэцэрлэгийн асуудал хөндөгддөг. Гишүүд тойрог руугаа баахан хөрөнгө оруулалт татдаг нь Сонгуулийн хуультай холбоотой. Тиймээс энэ тогтолцоог өөрчлөх хэрэгтэй байна.

Ирэх оны төсөв иргэдийг яаж ажлын байраар хангаж татвар төлдөг болгох вэ гэдэг талруу чиглэх ёстой байсан. Гэтэл өмнөх жилүүдийнхээс бүр дордчихлоо. Ковидын хүнд үед хөрөнгө оруулалт 38 хувь, урсгал зардал нь 30 хувиар өссөн төсөв баталлаа. Ер нь бол хоноцын сэтгэлээр хандсан.

Татвар төлөгчдийн тоо буурч байхад НӨАТ-аас нэг их наяд төгрөгийг татан төвлөрүүлнэ гэдэг өөрөө их асуудалтай" гэлээ.