/2021.10.16/ 28-р тойрог буюу Сонгинохайрхан дүүрэгт МАН-аас нэр дэвшигч Энхбаярын Батшугар нөхөн сонгуульд дахин ялалт байгууллаа.

Тэрбээр өнгөрсөн долоо хоногт болсон нөхөн сонгуульд илт давуу ялалт байгуулсан ч СХД-ийн иргэдийн ирц хүрэлцээгүй тул өнөөдөр дахин нэмэлт санал хураалт явуулсан юм. Э.Батшугар ийнхүү дахин амжилтаа бататгалаа.

Монгол Улсын Их Хурлын сонгуулийн тухай хуулийн 78 дугаар зүйлийн 78.5-д "Нэмэлт санал хураалтад орсон нэр дэвшигчдээс хамгийн олон санал авсан, үлдсэн мандатын тоотой тэнцүү тооны нэр дэвшигчийг Улсын Их Хурлын гишүүнээр сонгогдсонд тооцно" гэж заасан байдаг.

Өнгөрсөн есдүгээр сард МАН-ын бага хурал хуралдаж Э.Батшугарыг 95 хувийн саналаар нөхөн сонгуульд нэр дэвшүүлэхээр баталж байсан юм.

Э.Батшугарын АТГ-т мэдүүлсэн хөрөнгө орлогын мэдүүлэг:

• Нийт орлого: 92,6 сая төгрөг /жилээр/
• Гэр бүлийн нийт орлого: 704 сая төгрөг
• Орон сууц, барилга: Нийтийн орон сууц-1/100 сая төгрөг/
• Тээврийн хэрэгсэл: Toyota Land Cruiser 200-1, Мотоцикл Yamaha fzr 400- 1 /236 сая төгрөг/
• Хадгаламж: 162 сая төгрөг
• Зээл: 2 тэрбум
• 17 компанид хувьцаа эзэмшдэг