/2021.09.29/ Коронавирусийн халдвар авч шинж тэмдэг багатай буюу хөнгөн гэж үнэлэгдэн гэртээ тусгаарлагдаж байгаа хүнд дараах шинж тэмдэг илэрвэл хүндрэхийн шинж хэмээн хүний их эмч О.Дулмаа мэдээлжээ.

- Амьсгаадах /амьсгалын тоо минутанд 20 болон түүнээс дээш/,

- Уруул, хамар уруулын гурвалжлан хөхрөх,

- Цээжээр ханиалгалттай хамааралгүйгээр өвдөх,

- Хөлрөх, хүйтэн хөлс ихээр гарах,

- Явахад амьсгаадалт нэмэгдэх,

- Хоолой бачуурч боох гэж байгаа мэдрэмж төрөх,

- Өвчний эхэн үед халуурч байсан нь намдсан ч эргэж халуурах,

- Дотор муухай хоолны зуршил алга болох,

- Гүйлгэх /олон тоогоор/, хэвлийгээр хүчтэй өвдөх,

- Бүх үе мөч, булчин өвдөх, ялангуяа хөлийн эрээн булчин илүү их өвдөх,

- Толгой эргэх, чих шуугих, гар хөл хөрөх даарах мэдрэмж харьцангуй өөрт илүү анзаарагдах,

- Даралт ихсэх, багасах гэх мэт тогтворгүй байх,

- Зүрхний цохилтын тоо цөөрөх гэх мэт шинж тэмдгүүд нэмэгдэж илэрсээр байвал хүндрэх эрсдэл байна гэж дүгнэн гэрийн эмчилгээнд байгаа та өрхийн эрүүл мэндийн төв, хянаж байгаа эмчтэйгээ яаралтай холбогдоорой.