/2021.08.31/ Өмнөговь аймгийн Гашуунсухайт, Шивээхүрэн боомтод хийгдэж буй 20 гаруй тэрбум төгрөгний бүтээн байгуулалт дууслаа.

Хил, гааль дээрх ачаа тээврийн бөөгнөрлийг арилгаж экспортыг нэмэгдүүлэх зорилгоор чингэлэгт тээврийн терминал барихаар болсон.

Энэ ажлыг төр, хувийн хэвшлийн түншлэлийн хүрээнд гүйцэтгэхээр холбогдох саналыг боловсруулж, Засгийн газрын энэ оны долоодугаар сарын 2-ны хуралдаанаар “Чингэлэг тээврийн терминал байгуулах тухай” 185 дугаар тогтоолыг баталсан юм.

Ингэснээр нүүрсний экспорт нэмэгдхээс гадна жолооч нар хоорондоо харилцахгүйгээр чингэлэгтэй нүүрсийг хилээр нэвтрүүлэх боломж бүрдэж байгаа ажээ.

Одоогоор туршилтын хугацаандаа явж байна.