/2021.08.18/ Өнөөдрийн байдлаар улсын хэмжээнд нийт 1582 халдварын тохиолдол шинээр бүртгэгдлээ.

Үүний 452 тохиолдол нь Улаанбаатар хотод бүртгэгдсэн бол үлдсэн 1130 нь орон нутагт бүртгэгдсэн байна. Сүүлийн өдрүүдэд халдварын тохиолдол эрс нэмэгдэх болсон Баян-Өлгий, Ховд аймагт халдварын тохиолдол буураагүй хэвээр байна.

Орон нутагт бүртгэгдсэн халдварын тохиолдлын 39 хувь нь тус хоёр аймагт хамаарч байна.

41-ээс дээш насны 5 иргэн нас барсан бол, нэн хүнд байдалтай хэвтэн эмчлүүлж байгаа 196 иргэн байгаа ажээ.