Хүйтэн сэрүүний улирал эхлэх гэж буйтай холбоотойгоор улирлын томуугийн эсрэг дархлаажуулалт орон даяар эхэллээ.

Тус вакцин нь A, B хүрээний хэв шинжийг агуулсан дөрвөн цэнт вакцин бөгөөд томуугаас урьдчилан сэргийлэх хамгийн үр дүнтэй арга бол вакцинд хамрагдах хэмээн холбогдох албаны хүмүүс онцолж байна.

Мөн "ялангуяа бага насны хүүхэд, жирэмсэн эх, ахмад настан, архаг хууч өвчтэй иргэд томуугийн хүндрэлээс сэргийлж дархлаажуулалтад хамрагдана уу" гэж Эрүүл мэндийн яамнаас мэдээллээ.