Данийн тоглоом үйлдвэрлэгч Лего компани хөлбөмбөгийн Дэлхийн аварга шалгаруулах тэмцээн болон "Formula 1"-ийн загварууд гаргаснаар оны эхний хагасын борлуулалт нь 21%-иар өсчээ.

Лего тоглоомийн өсөлт өрсөлдөгч тоглоом үйлдвэрлэгчид болох Mattel болон Hasbro-гийнхаас давж, зах зээлд эзлэх хувь нь нэмэгджээ. Үүнд кино, энтертайнментын алдартай брэндүүдтэй хамтран бүтээгдэхүүн гаргах, мөн хүүхдүүдээс гадна насанд хүрэгчдэд зориулсан Лего иж бүрдлийн төрлийг олшруулсан стратеги ашигласан тухай мэдэгджээ.

Лего компанийн орлого 41.9 тэрбум Данийн крон буюу 6.54 тэрбум ам.доллар болж, 2025 оны эхний хагасын 34.6 тэрбум кронтой харьцуулахад мэдэгдэхүйц өсжээ. Харин цэвэр ашиг нь 32%-иар нэмэгдэж, 8.6 тэрбум Данийн кронд хүрсэн байна.