Монголбанкны Ерөнхийлөгч Хятадын Ардын банкны дугуй ширээний уулзалтад оролцлоо
 

Монголбанкны Ерөнхийлөгч Хятадын Ардын банкны дугуй ширээний уулзалтад оролцлоо

/2024.04.02/: Монголбанкны Ерөнхийлөгч Б.Лхагвасүрэн БНХАУ-ын Хайнань мужийн Боао хотод өнгөрөгч долоо хоногт болсон “Азийн чуулга уулзалт-2024“-ын үеэр Азийн санхүүгийн зах зээлийн хөгжил ба санхүүгийн даяаршлын асуудлаарх дугуй ширээний уулзалтад оролцов.

Дугуй ширээний уулзалтад Боаогийн Азийн чуулга уулзалтын дэд дарга Жөү Шиаочуан, Лаосын Төв банкны Ерөнхийлөгч Бунлеуа, Тайландын Төв банкны Дэд ерөнхийлөгч Алисара Махасандана мөн ОУВС, АХБ, Олон улсын төлбөр тооцооны банк болон бусад санхүүгийн байгууллага оролцлоо.

Тэд ярианыхаа гол сэдвийг Азийн бүс нутгийн санхүүгийн зах зээлийн хөгжил, санхүүгийн нээлттэй байдлаа улам өргөжүүлж, гадаадын хөрөнгө оруулалтыг нэмэгдүүлэхэд баримталж буй бодлогод хандуулж өөрсдийн саналыг илэрхийлсэн юм.

Монголбанкны Ерөнхийлөгч Б.Лхагвасүрэн энэ үеэр бүс нутгийн санхүүгийн хамтын ажиллагааг гүнзгийрүүлэхийн чухлыг онцолж, худалдааг хөнгөвчлөхийн тулд үндэсний мөнгөн тэмдэгт солилцох своп хэлцлийг өргөжүүлэх талаар олон талт алхамд уриаллаа. Мөн тэрбээр Азийн жижиг орнуудыг багтаасан санхүүгийн тогтолцоог бий болгох нь зах зээлийн хөрвөх чадварыг дэмжих, бүс нутгийн худалдааг хөнгөвчлөх замаар эдийн засагт ашигт тусаа өгнө гэж үзэж буй тухай өөрийн байр сууриа илэрхийллээ.

Монголбанк 3 дугаар сард 1.1 тонн үнэт металл худалдан авлаа
Монголбанк 3 дугаар сард 1.1 тонн үнэт металл худалдан авлаа
 
Стэнфордын Их сургуулийн профессор, доктор Жи Вук Шин тэргүүтэй төлөөлөгчдийг хүлээн авч уулзлаа
Стэнфордын Их сургуулийн профессор, доктор Жи Вук Шин тэргүүтэй төлөөлөгчдийг хүлээн авч уулзлаа
Сэтгэгдэл (0)
Анхаар!
Та сэтгэгдэл бичихдээ Монгол Улсын хууль болон ёс суртахууны хэм хэмжээг баримтална уу. Мэдээний сэтгэгдлийн хэсгийг mpress.mn сайт хариуцах тул, ёс бус сэтгэгдлийг админ устгах эрхтэй.