/2024.03.21/:

Олонлог төв сургууль нь сурагчдынхаа Англи хэлний мэдлэг, чадварыг Дэлхийн иргэдтэй хөл нийлүүлэн алхах чанарын өндөр түвшинд хүргэх зорилгоор “K1-K12” буюу “Kids1-Kids12” сургалтын цогц хөтөлбөрийг хэрэгжүүлэх хамтын ажиллагааны гэрээг Англи хэлний салбарт тэргүүлэх чиглэлийн боловсролын үйлчилгээг 17 жил тасралтгүй үзүүлж буй TALK TALK ENGLISH боловсролын төвтэй үзэглэлээ.

Тус хөтөлбөрт хамрагдсанаар сургуулийн маань суралцагч бүр K12 хөтөлбөрийг суралцан төгсөж IELTS 6.5 оноо авах боломж бүрдэж байна.

Цаашид тус хөтөлбөрийг Боловсролын Ерөнхий газраас Монголын Улсын бүх Ерөнхий боловсролын сургуулиудад үе шаттайгаар хэрэгжүүлэн ажиллах юм.Англи хэлний хөтөлбөрийн цогц сурах бичгийн багцын 30 хувь нь Монгол орчуулга, тайлбартай байх бөгөөд:

Монгол хүүхдийн онцлогт тохирсон, Монгол ахуй контент, дүрүүд

Англи хэлний голлох дүрэм, шинэ үгсийн санг агуулсан

Гэрийн ажлын ном, сонсох хичээл, уншлагын сурах бичигтэй байна.