/2023.09.22/: Өчигдөр орой буюу 2023 оны есдүгээр сарын 22-ны орой нэг ангийн сурагчид хордлогын шинж тэмдэгтэйгээр ЭХЭМҮТ-д ирсэн тухай бид мэдээлсэн.
Тодруулбал, Хан-Уул дүүргийн 18 дугаар сургуулийн Монгол бизнес дээд сургуулийн байранд хичээллэж байгаа 6 дугаар ангийн 21 сурагч 16:00-17:00 цагийн үед бөөлжиж суулгасан анамнезтайгаар ЭХЭМҮТ-д ирсэн.
Уг хүүхдүүдийн хордлогын шалтгааныг олж тогтоохоор мэргэжлийн байгууллагуудаас ажлын хэсэг байгуулан тус сургууль дээр ажиллаж байна.
Хордлогын шинж тэмдэг илэрсэн хүүхдүүдээс дөрвөн хүүхдийн зүрх нь дэлссэн тул ЭХЭМҮТ-д үлдэж, бусад хүүхдийг өчигдөр орой эцэг эхэд нь хүлээлгэн өгчээ.
Хордлогын шалтгааныг тогтоохоор Нийслэлийн Засаг даргын орлогч З.Төмөртөмөө тэргүүтэй Ажлын хэсэг гаран ажиллаж байна.
