2023.08.01/: ОХУ-ын нийслэл Москва дахь тэнгэр баганадсан барилга дахин нисгэгчгүй онгоцны дайралтад өртсөн тухай хотын дарга Сергей Собянин мэдэгдлээ.
Тэрээр нэг шөнийн дотор хэд хэдэн нисгэгчгүй онгоцыг буудаж унагасан боловч ням гарагт онилсон "Москва Сити цогцолбор дахь нэг цамхаг руу ниссэн" гэж тэр хэлэв.
Барилгын фасад 21 давхарт эвдэрсэн гэж хотын дарга хэллээ. Одоогоор гэмтэж бэртсэн тохиолдол гараагүй байна.
ОХУ-ын Батлан хамгаалах яам сүүлийн халдлагад Украиныг буруутгасан ч Киев энэ асуудлаар ямар ч тайлбар хийгээгүй байгаа.
Ноён Собянин товч мэдэгдэлдээ "150 квадрат метр талбайн шилэн хана эвдэрсэн" гэжээ.
Ослын газар онцгой байдлын алба ажиллаж байгаа гэж тэр нэмж хэлэв.
Үүний зэрэгцээ Оросын Батлан хамгаалах яам Украины хоёр нисгэгчгүй онгоцыг Москва мужид зенитийн системээр устгасан гэж мэдэгдэв.
Өөр нэг нисгэгчгүй онгоц Москва хотын орон сууцны бус цогцолборт осолдсон байна.
Москвагийн Внуково нисэх онгоцны буудлыг хэсэг хугацаанд хаасан тухай Оросын мэдээллийн агентлагууд мэдээллээ.
Москва Украиныг сүүлийн саруудад Оросын нутаг дэвсгэрт, тэр дундаа өнгөрсөн тавдугаар сард Кремльд буюу нийслэл дэх Ерөнхийлөгч Владимир Путины ордон руу нисгэгчгүй онгоцоор цохилт өгсөн гэж удаа дараа буруутгасаар байгаа юм.
Украин тодорхой үйл явдлын хариуцлагыг хүлээгээгүй ч Украины Ерөнхийлөгч Володимир Зеленский Оросын нутаг дэвсгэрт халдлага үйлдэх нь "байж болох туйлын шударга үйлдэл" гэж мэдэгджээ.
Эх сурвалж: ВВС
