2021.08.05

Чөлөөт бөхийн эрэгтэйчүүдийн +125 кг жинд М.Лхагвагэрэл залуучуудын дэлхийн аваргын мөнгө, хүрэл медальт Беларусийн Зианис Храмианкутай барилдлаа.

Манай тамирчин 23 настай бөгөөд 2019 оны залуучуудын дэлхийн аваргын хүрэл медаль хүртсэн амжилттай яваа залуу тамирчин юм.

Эхний үеийн хагаст манай тамирчин 2 оноо авч, 20секундын дараа өрсөлдөгч мөн 2 оноо авлаа.

Хэдий онооны харьцаа тэнцүү ч сүүлд оноо авсан тамирчин давуу оноотой гэж үздэг.

Эхний үеийн сүүлийн мөчид Лхагвагэрэл ахин 2 оноо авч 4:2 онооны харьцаагаар эхний үе өндөрлөлөө.

Барилдааны хоёрдугаар үе эхэлж манай тамирчин 4 оноо, Беларус улсын тамирчин нэг оноо авлаа.

Сүүлийн нэг минутанд өрсөлдөгч Лхагвагэрэлийг талбайгаас гаргаж нэг оноо авснаар 8:4 харьцаагаар манай тамирчин түрүүлж байлаа.

Эцсийн мөчид өрсөлдөгч ахин оноо аваагүй 8:4 харьцаагаар Лхагвагэрэл яллаа.

Дараагийн даваа буюу шөвгийн наймд 2020 оны Европын аваргад тавдугаар байр эзэлсэн Германы Геннадиж Кудинович болон 2020 оны Азийн аварга Казахстаны Юсүп Батирмурзаев нарын ялсантай 11:47 цагаас барилдана.