Монголын чөлөөт бөхийн хоёр тамирчны барилдаан эхлэх гэж байна

/2021.08.04/ Олимпын наадмын дэвжээнд монголын чөлөөт бөхийн хоёр тамирчин барилдана.

Манай хоёр тамирчин 10:30 цагт нэгэн зэрэг барилдах юм.

Эмэгтэй 57 кг-ийн жинд Өсвөрийн ДАШТ-ий хүрэл медальт залуу тамирчин Б.Хонгорзул Францын Матилде Ривиератай барилдах юм байна.

Түүний өрсөлдөгч нь Б. Хонгорзулаас12 эгч, Европын аваргаас хүрэл медаль хүртсэн амжилттай тамирчин юм. Хэрэв түүнийг хожвол шөвгийн наймд Олимп, дэлхийн аварга Япон бөх Р.Кавайтай барилдах магадлал өндөр байна.

Харин эрэгтэй чөлөөт бөхийн тэмцээний хамгийн эхний барилдааныг гавьяат тамирчин Э.Бэхбаяр хийх аж. Тэрбээр эхний даваанд Европ тивийн аварга армен бөх Арсен Арутюнантай барилдах сугалаа татав. Эхний учраагаа давбал Ираны Резра Атри, Туркийн Сулейман Атли нарын аль нэгтэй барилдана. Иран бөх нь Азийн аварга цолтой бол турк бөх нь ДАШТ-ий мөнгө, хүрэл медальтай юм.