/2021.12.18/ Японы Осака хотын нэгэн барилгад гал гарсны улмаас амиа алдагсдын тоо 24 болсон талаар NHK орон нутгийн цагдаагийн газраас иш татан мэдээлжээ.
Галын улмаас 28 хүн (17 эрэгтэй, 11 эмэгтэй) шархадсанаас 27 хүний биеийн байдал хүнд байгаа талаар өмнө нь мэдээлж байсан юм.
Баасан гарагийн өглөө Осака хотын төвийн худалдааны дүүрэгт байрлах 8 давхар барилгын 4 давхарт гал гарчээ. Тус давхарт эмчилгээ, сэтгэлзүйн тусламж үзүүлдэг эмнэлэг байрлаж байсан байна. Голомтод гал унтраах 34 анги, 70 түргэний машин ажилласан байна.
Уг хэргийг цагдаагийнхан галдан шатаасан байж болзошгүй хэмээн шалгаж байгаа аж.
