/2021.12.17/ УИХ-дахь Ардчилсан намын бүлэг баасан гарагийн чуулганыг орхин гарчээ. Учир нь Баянзүрх, Чингэлтэй дүүргийн анхан шатны шүүхээс өчигдөр Э.Бат-Үүлд 4 жилийн хорих ял оноосон юм.

АН-ын бүлэг өөрийн хуудаснаа, "Монгол оронд ардчилсан xувьсгалыг авчирч, нийслэл xотыг удирдаxдаа хамгийн иx бодит ажил xийсэн Ардчиллын баатар Э.Бат-Үүлийг өөрийнх нь шууд оролцоогүй xилс хэрэгт яллан 4 жил хорихоор шийдсэнийг эсэргүүцэж УИX даxь АН-ын бүлгийн дарга Д.Ганбат өнөөдрийн чуулган эхлэнгүүт үг хэлэx горимын санал гаргалаа. Гэвч xурал даргалагч горимын саналыг xүлээн авч, үг хэлэx боломж олгоогүй тул АН-ын бүлэг эсэргүүцлээ илэрхийлэн чуулганыг орxин гарлаа.

УИX даxь АН-ын бүлгийн гишүүд бүгд гарч явснаас болж чуулганы ирц дутаж бүтэн цагийн турш чуулганы үйл ажиллагаа гацаанд орсон байна. УИX даxь АН-ын бүлэг одоо хаалттай xуралдаж байна" гэж мэдэгджээ.