/2021.12.16/ Узбекистан Улсын нийслэл Ташкент хотноо хүндийг өргөлтийн 86 дахь удаагийн ДАШТ үргэлжилж байна. Монгол Улсын гавьяат тамирчин М.Анхцэцэг өнөөдөр дэвжээнд гарах юм.

Тус тэмцээнд 74 орны 432 туйванч 20 цогц медалийн төлөө хүч үзэж байна.

ДАШТ-ий хошой хүрэл медальт (огцом өргөлтөөр) М.Анхцэцэгийн хувьд 87 кг-ын жинд өрсөлдөж байгаа бөгөөд өнөөдөр "А" хэсгийг манлайлан гарна.

Энэ хэсэгт 11 тамирчин хүч үзэж байна. Манай улсын тамирчин захиалгаа 255 кг-аар өгсөн нь өрсөлдөгчдөөсөө хамгийн өндөр үзүүлэлт боллоо.