/2021.12.15/ Хэрэглээний бараа, үйлчилгээний үнэ 2021 оны 11 дүгээр сард улсын хэмжээнд өмнөх оны мөн үеэс 10.5 хувь, өмнөх оны эцсээс 11.1 хувь, өмнөх сараас 1.3 хувиар өссөн байна.

Бараа, үйлчилгээний үнэ өсөхөд:

• Хүнсний бараа, ундаа, усны бүлгийн үнэ дүнгээрээ 18.7 хувь (мах, махан бүтээгдэхүүн 22.2 хувь, согтууруулах бус ундааны дэд бүлгийн үнэ 11.1 хувь),
• Согтууруулах ундаа, тамхины бүлгийн үнэ дүнгээрээ 6.1 хувь,
• Хувцас, бөс бараа, гутлын бүлгийн үнэ дүнгээрээ 5.0 хувь,
• Орон сууц, ус, цахилгаан, хийн болон бусад түлшний бүлгийн үнэ дүнгээрээ 1.0 хувь,
• Эм тариа, эмнэлгийн үйлчилгээний бүлгийн үнэ дүнгээрээ 6.8 хувь, тээврийн бүлгийн үнэ дүнгээрээ 19.5 хувиар тус тус өссөн нь голлон нөлөөлсөн байна.

Инфляцын түвшин буюу хэрэглээний бараа, үйлчилгээний үнэ

• 2018 оны 11 дүгээр сард 8.1 хувь,
• 2019 оны 11 дүгээр сард 5.2 хувь,
• 2020 оны 11 дүгээр сард 3.5 хувь гарч байсан бол
• 2021 оны 11 дүгээр сард 10.5 хувь болж, өмнөх оны мөн үеэс 7.0 нэгж хувиар нэмэгдсэн байна.

Эх сурвалж: Үндэсний статистикийн хороо