/2021.11.30/: Хятад Улс дахин 1 тэрбум тун COVID-19 вакциныг Африкт нийлүүлж, Хятадын компаниудыг ирэх гурван жилийн хугацаанд тус тивд 10 тэрбум доллараас багагүй хөрөнгө оруулалт хийхийг дэмжинэ гэж Ши Жиньпин Даваа гарагт мэдэгдэв.
Өмнөд Африкт 200 сая орчим тунг нийлүүлсэн Хятад Улс шинээр илрээд байгаа коронавирусын шинэ Омикрон хувилбар тархалт нь вакцинжуулалтын түвшинээс их байгаад санаа зовниж байгаа ажээ.
Ши Жиньпин хэлэхдээ, 600 сая тунг хандив, 400 сая тунг Хятадын компаниуд болон Африкийн холбогдох орнуудын хамтарсан үйлдвэрлэл зэрэг бусад арга хэрэгслээр олгох болно. Хятад улс мөн Африкт эрүүл мэндийн 10 төсөл хэрэгжүүлж, 1500 эрүүл мэндийн мэргэжилтэн илгээнэ гэж тэр хэлэв.
Ши Жиньпин Хятад-Африкийн хамтын ажиллагааны форумын нээлтийн үеэр видео холбоосоор хэлсэн үгэндээ, Хятад, Африкийн хил дамнасан юанийн төвийг байгуулж, Африкийн санхүүгийн байгууллагуудад 10 тэрбум ам.долларын зээлийн шугам нээх эрх олгоно гэж хэлжээ.
Хятад улс Африкийн экспортыг дэмжих, худалдаа эдийн засгийн хамтын ажиллагааны бүс байгуулж, Хятад Африкийн аж үйлдвэрийн парк байгуулахад зориулж 10 тэрбум ам.долларын худалдааны санхүүжилт хийнэ гэж тэр хэллээ.
Зарим шинжээчдийн үзэж байгаагаар, Хятад улсын түүхий эдийн дэд бүтцийн хэлэлцээрийг шүүмжилж, даацгүй өртэй улс орнуудыг эмээллэж байна гэж үзэж байгаа энэ үед энэхүү мэдэгдэл гарч байна. Бүгд Найрамдах Ардчилсан Конго Улс одоогийн байдлаар Хятадын хөрөнгө оруулагчидтай байгуулсан зургаан тэрбум ам.долларын гэрээг Конгод хангалттай ашиг өгөхгүй гэсэн болгоомжлолоор хандаж байна.
"Нэг бүс ба нэг зам" санаачилгын хүрээнд Хятадын байгууллагууд голчлон хөгжиж буй орнуудын томоохон дэд бүтцийг санхүүжүүлэх ажил удааширч байна: Хятадын банкны Африк дахь дэд бүтцийн төслүүдийн санхүүжилт 2017 онд 11 тэрбум доллар байсан бол 2020 онд 3.3 тэрбум доллар болж буурсан гэж олон улсын хуулийн фирмийн Бейкер тайланд дурджээ.
АНУ-ын Төрийн нарийн бичгийн дарга Антони Блинкен өнгөрсөн долоо хоногт дөрвөн улсад хийсэн айлчлалынхаа үеэр Вашингтон дааж давшгүй өр төлбөрт унагалгүйгээр илүү цэвэр хэлэлцээр хийхийг эрмэлзэж байна гэж мэдэгджээ.
Ши Жиньпин хэлэхдээ, Африкийн түүхий газрын тос, ашигт малтмалын гол эх үүсвэрийн нэг болох Хятадын импортын хэмжээ ойрын гурван жилд 300 тэрбум ам.долларт хүрнэ, хоёр тал эрүүл мэнд, дижитал инноваци, худалдааг дэмжих, ногоон хөгжил зэрэг салбарт хамтран ажиллах болно гэжээ.
Өмнөд Африкийн Ерөнхийлөгч Сирил Рамафоса мөн видео холбоосоор үг хэлэхдээ Хятад улс дэмжлэг үзүүлж байгаад талархаж, Африкийн эдийн засаг COVID-19 вакцин үйлдвэрлэх чадвартай байх ёстой гэж мэдэгдэв.
Дэлхийн худалдааны байгууллагад COVID-19-ийн вакцин, эмчилгээг хүн бүрт хүртээмжтэй болгохын тулд TRIPS-ээс түр чөлөөлөх тухай хэлэлцүүлгийг эцэслэх шаардлагатай гэж тэрээр Өмнөд Африкт тогтоосон аялал жуулчлалын хязгаарлалтыг шүүмжилсэн байна.
Эх сурвалж: reuters
