/2021.11.27/ “Абу Даби-2021” Гранд Слам тэмцээний хоёр дахь өдөр буюу өнөөдөр манай 8 жудоч хүч үзэж “Токио-2020” олимпын наадмын хүрэл медальт, Сүхбаатарын одонт Ц.Цогтбаатар аваргын алтан медалийн төлөө барилдаж, түрүүллээ.

Тэрбээр финалын шатанд Узбекистаны бөх Тураев Хикматиллохийг цэвэр ялав. Ингэснээр Ц.Цогтбаатар нийт 5,708 оноогоор 73 кг-д дэлхийн чансааг албан ёсоор тэргүүлж эхэллээ.

Тэмцээний эхний өдөр буюу энэ сарын 26-нд Бүгд найрамдах улсаа тунхагласан түүхэн өдөр Монголын жүдо бөхийн Үндэсний шигшээ багийн тамирчид гурван хүрэл медаль хүртсэн амжилт гаргасан билээ.