/2021.11.23/ Баянзүрх дүүрэгт байрлах 97-р сургуулийн сурагчид нэгнийгээ бүлэглэн зодож ноцтой гэмтэл учруулжээ.

Тодруулбал, Сурагчид олуулаа нийлж нэг хүүхдийг зодсон гэсэн мэдээллийг тухайн сургуулийн сурагчид хэлж байгаа юм.

Зодуулсан сурагчийн гавлын яс цуурсан, цус хуралттай гэсэн мэдээлэл байна. Шүүх эмнэлгээс хохирогчийн гэмтлийн зэргийг тогтоох аж.

Зодуулсан хүүхдийн ээж өчигдөр Баянзүрх дүүргийн цагдаагийн 2-р хэлтэст өргөдөл өгчээ. Үүний дагуу мөрдөн шалгах ажиллагааг явуулж эхэлсэн байна. Өнөөдөр цагдаагийн газраас зодоон хийсэн зарим сурагчдаас мэдүүлэг авахаар авч явжээ.