/2021.11.23/ Цагдаагийн байгууллагын 102 дугаарын утсанд 2021 оны 11-р сарын 06-ны өдрийн 19 цаг 28 минутад “Өлгийтэй нярай хүүхэд байна” гэх дуудлага, мэдээлэл иржээ.Шалгалтаар тухайн хүүхдийг орхиж явсан иргэнийг олж тогтоон холбогдох мөрдөн шалгах ажиллагааг үргэлжлүүлж байна.

Энэ талаар ХУД-ийн цагдаагийн газрын хоёрдугаар хэлтсийн урьдчилсан сэргийлэх ажил хариуцсан ахлах мэргэжилтэн, цагдаагийн ахмад Т.Билгүүн:

"Дуудлагыг хүлээн авч эрэн сурвалжлах ажиллагааг тасралтгүй зохион байгуулсаны үндсэнд зургаа хоногийн дотор нярайн эцэг эхийг олж тогтоосон. Олдсон нярайг ЭМЯ-ны харьяа хүүхдийн нэгдсэн сувилалд өгсөн байна" гэв.