/2021.11.19/ Амиа хорлоно гээд хаалгаа онгойлгохгүй байсан иргэний цонхоор ОБЕГ-ын алба хаагчид орж амийг нь аварчээ.

Тодруубал, Нийслэлийн Чингэлтэй дүүргийн 5 дугаар хороо, 15 дугаар байрны 52 тоот Иргэн Г нь согтууруулах ундаа хэрэглэсэн үедээ "амиа хорлоно" гээд хаалгаа онгойлгохгүй байна гэсэн дуудлага ирсэн байна.

Дуудлагын дагуу Нийслэлийн аврах ангийн алба хаагчид очиж, дээд талын айлын тагтнаас аврах олс ашиглан бууж, тус айлын цонхоор орон хаалгыг нээжээ.

Аврах ангийн алба хаагчид 38 настай эмэгтэй иргэн Г-г Цагдаагийн 1 дүгээр хэлтсийн шуурхай удирдлагын тасагт хүлээлгэн өгсөн байна.