/2021.11.16/ Хүнс хөдөө аж ахуйн нээлттэй мэдээллийн цаг болж өнгөрлөө. Энэхүү мэдээллийн цагийг улиралдаа нэг удаа нээлттэй хийхээр тогтсон юм.

ХХААХҮ-ийн сайд З.Мэндсайхан: "Дархан хотод Арьс ширний боловсруулах цогцолбор барина. Дархан хот нь байршлын хувьд хөрш улс руу гаргахад дөхөмтэй. Ингэхдээ 10 сая тонн ноос, ноолуур боловсруулах үйлдвэр барихаар нэгдүгээр сард багтаан ТЭЗҮ боловсруулж эхний ээлжид 4 сая ширхэг бог, 400 мянган ширхэг бод малын арьс шир боловсруулах хүчин чадалтай байхаар төлөвлөж байна" гэв.

Тус арьс ширний цогцолборыг барихад нийт 130 сая ам долларын хөрөнгө оруулалт хийгдэх юм.

Шууд байдлаар 2.4 мянга, шууд бус байдлаар 4.6 мянга нийт 7 мянган иргэнийг ажлын байраар хангах боломжтой. 2022 онд тус цогцолборын бүтээн байгуулалтыг 60 хувьд хүргэхээр тусгаж өгсөн байна.