/2021.10.27/ 2021 оны 10 сарын 27-с 11 сарын 1-ны хооронд Латви улсын Рига хотод зохион байгуулагдаж буй “Grand Swiss FIDE - Chess.com” олон улсын шатрын тэмцээнд Үндэсний шигшээ багийн тамирчин, Их мастер Б.Мөнгөнтуул нь эмэгтэйчүүдийн ангилалд урилгаар оролцож байна.

Энэхүү тэмцээнийг Английн алдартай хөрөнгөтнүүдийн нэг “The Scheinberg” -н гэр бүл анх санаачлан Isle of Man аралд зохион байгуулагдаж эхэлсэн түүхтэй бөгөөд өдгөө олон улсын шатрын холбоотой тэмцээнээ улам өргөжүүлэхээр хамтран ажиллаж байна. Тус тэмцээний онцлог нь одоогийн эрэгтэйчүүдийн болон эмэгтэйчүүдийн шатрын дэлхийн аваргатай титмийн төлөө тоглох эрх олгодог цикл тэмцээнүүдэд өрсөлдөх шатарчныг сонгон шалгаруулдаг ба зөвхөн тэмцээний аварга энэхүү боломжийг эдэлнэ.

Түүнчлэн, ковидын улмаас Латви улсад хатуу хөл хорио тогтоогоод байгаа хэдий ч шатар тэргүүтэй хэд, хэдэн олон улсын тэмцээнүүдийг хэвийн үргэлжлүүлэхээр засгийн газар нь шийдсэн байна.

Эх сурвалж: Монголын шатрын холбоо