/2021.10.27/: Мягмар гарагт АНУ-ын “News & World Report” дэлхийн шилдэг их сургуулиудын чансааг найм дахь жилдээ хэвлэн гаргажээ.

2022 оны зэрэглэлд 90 гаруй орны 1750 сургуулиудыг судалгааны нэр хүнд, багш нарын нийтлэл, олон улсын хамтын ажиллагаа зэрэг 13 үзүүлэлтээр үнэлжээ.

АНУ-ын мэдээллийн ахлах стратегич Роберт Морс "Эдгээр зэрэглэлийг харвал манай боловсролын тогтолцоо нь эрдэм шинжилгээний судалгааг чухалчилдагаараа бусдаас ялгарч байна" гэж хэлэв. "Дэлхийн шилдэг их сургуулиудын жагсаалтад 1700 гаруй их дээд сургууль, мөн нэмэлт 255 их сургууль, нийт 2005 сургууль энэ зэрэглэлд багтсан нь судалгааг нэн тэргүүнд тавьдаг сургуулиудыг сонирхож буй оюутнуудад илүү их мэдээлэл өгдөг."

Өмнөх жилүүдийн нэгэн адил АНУ-ын их дээд сургуулиуд чансааг тэргүүлж, эхний арван байрын наймыг эзэлж, Вашингтоны их сургууль, Сиэтл, Кембрижийн их сургуулийг эс тооцвол өмнөх оныхоос бараг өөрчлөгдөөгүй хэвээр байна.

Африкийн шилдэг их сургуулиар Кейптауны их сургууль, Азийн шилдэг их сургуулиар БНХАУ-ын Бээжин хотын Цинхуа их сургууль, Австралийн шилдэг сургуулиар Мельбурны их сургууль, Сан Паулогийн Universidade de São Paulo Латин Америкийн шилдэг сургуулиар тус тус шалгарчээ.

АНУ-ын мэдээлснээр 2022 оны дэлхийн шилдэг 10 их сургуулийг танилцуулж байна.

1. Харвардын их сургууль

Байршил: Кембриж, Массачусетс - АНУ

Онцлог: Биологи, биохими, эдийн засаг, бизнес зэрэг олон мэргэжил багтаасан шилдэг их сургууль.

2. Массачусетсийн технологийн дээд сургууль

Байршил: Кембриж, Массачусетс - АНУ

Онцлог: MTДС нь дэлхийн математикийн шилдэг их сургуулиар шалгарсан.

3. Стэнфордын их сургууль

Байршил: Стэнфорд, Калифорниа, АНУ

Онцлог: Стэнфордыг дэлхийн хамгийн шилдэг химийн хөтөлбөртэй гэж тодорхойлсон.

4. Калифорнийн их сургууль, Беркли

Байршил: Беркли, Калифорниа - АНУ

Онцлог: Энэ жил тус сургууль химийн хичээл хоёр дахь шилдэг хөтөлбөрөөр шалгарлаа.

5. Оксфордын их сургууль

Байршил: Оксфорд, Англи - ИБНВУ

Онцлог: Оксфорд нь дэлхий даяар хамгийн шилдэг урлаг, хүмүүнлэгийн хөтөлбөртэй болохыг тогтоосон.

6. Колумбын их сургууль

Байршил: Нью Йорк хот, Нью Йорк - АНУ

Онцлог: Колумбийн их сургуулийг АНУ хүлээн зөвшөөрсөн ба зүрх судасны тогтолцоог судлах шилдэг сургуулийн тоонд багтсан.

7. Вашингтоны их сургууль, Сиэтл

Байршил: Сиэтл, Вашингтон - АНУ

Онцлог: Сиэтл хотын Вашингтоны их сургууль нь дэлхийн шилдэг эмнэлзүй, анагаах ухааны хөтөлбөрүүдтэй болохыг тогтоогдсон.

8. Кембрижийн их сургууль

Байршил: Кембриж, Англи - ИБНВУ

Онцлог: Кембрижийн факультет нь түүхэн дэх хамгийн алдартай математикчдыг бэлтгэсэн. Энэ жил тус их сургууль математикийн хөтөлбөрөөрөө тавдугаар байр эзэллээ.

9. Калифорнийн Технологийн Институт (оноогоороо тэнцсэн)

Байршил: Пасадена, Калифорниа, АНУ

Онцлог: НАСА-гийн тийрэлтэт хөдөлгүүрийн лаборатори байрладаг тус ёургууль нь сансрын шинжлэх ухааны чиглэлээр тэргүүлэгч их сургууль гэдгээрээ алдартай.

10. Жонс Хопкинсийн их сургууль (оноогоороо тэнцсэн)

Байршил: Балтимор, Мэрилэнд - АНУ

Онцлог: Анагаах ухааны судалгаагаараа алдартай Жонс Хопкинсийн их сургууль нь халдварт өвчний хоёр дахь шилдэг хөтөлбөр, мөн хоёр дахь шилдэг мэс заслын хөтөлбөртэй болохыг тогтоожээ.

Эх сурвалж: cnbc.com