/2021.10.13/ Засгийн газрын хуралдаанаас гаргасан шийдвэрийг танилцуулж байна.

Энэ үеэр УУХҮ-ийн сайд Г.Ёндон, "Нүүрсний үнэ өндөр байгаа энэ үед нүүрсээ төлөвлөсөн хэмжээнд экспортолж чадахгүй байгаа нь бидний алдаа гэдгийг хүлээн зөвшөөрч байна. Нүүрсний үнэ хөөсөрсөн нь экспортод нөлөөлсөн. Гэхдээ өөрсдийнхөө алдсан боломжийг үгүйсгэхийг хүсэхгүй байна. Энэ оны гуравдугаар сарын 10-ны өдрийг хүртэл нүүрсний экспорт маш өндөр хувьтай байсан. Гэтэл "Оюу Толгой" ХХК дээр ковид-19-ын анхны тохиолдол бүртгэгдсэнээс хойш нүүрс тээвэрлэлийн хэмжээ буурсаар өнөөдрийн түвшинд хүрлээ. Хэрэв тус уурхайд ковид-19 гараагүй байсан бол экспорт хэвийн явагдах байсан" гэв.