/2021.09.29/ Хүннү рок урсгалын төлөөлөл "The Hu" хамтлаг 2021 оны анхны аялан тоглолтоо энэ сарсын 1-нд АНУ-аас эхлүүлсэн. Тэд өнөөдөр тус улсын Техас мужийн Лаббок хотод тоглолтоо хийх юм.

"The Hu" хамтлагийн хувьд 2019, 2020 онд амжилт, бүтээлээр арвин жил байсан юм. Энэ хугацаанд тэд уйгагүй хөдөлмөрлөсөн бөгөөд дэлхийд нэрд гарч, Европыг байлдан дагуулсан.

Хамтлагийн шинэ дуунууд “iTunes store”-оос хамгийн их хандалт авч шилдэг 100 рок дууны чартыг тэргүүлж, “Billboard” чартад орсон амжилтыг өнгөрсөн хугацаанд гаргасан.

Хамтлагийн залуус есдүгээр сарын 1-нээс аравдугаар сарыг дуустал тоглолт хийх юм.

Та бүхэнд "The Hu" хамтлагийн аялан тоглолтын хуваарийг танилцуулж байна.