/2021.08.25/ Цар тахлын үед нэг жил танхимаар ороогүй сурагчид есдүгээр сарын нэгнээс эхлээд танхимаар хичээллэх болоод буй.

Үүнтэй зэрэгцээд хувийн сургуулиудын сурагчдын төлбөрийг хувааж төлөх эсэх, байгалийн давагдашгүй хүчин зүйлд сургууль, эцэг эхчүүд хэрхэн зохицох талаар мэтгэлцэж эхэлжээ.

Энэ талаар БШУЯ-ны хэвлэлийн төлөөлөгч Ц.Шинэбаяраас тодрууллаа.

- Хувийн сургуулийн төлбөрийн асуудалд яам ямар нэг зохицуулалт хийхгүй. Эцэг эхчүүд сургуультай гэрээ хийдэг. Тухайн гэрээнд байгалийн давагдашгүй хүчин зүйл тохиолдсон бол төлбөрөө хэрхэн төлөх талаар тусгаж өгсөн байдаг. Энэхүү гэрээтэй сайтар танилцаад төлбөрөө бүтнээр нь эсвэл хувааж төлөх эсэхээ тохиролцоно. БШУЯ-наас хувийн сургуулиудад шаардлагатай зөвлөмж мэдээллийг өгсөн гэв.