/2021.08.18/

Дэлхий дахинд тархаж буй олон төрлийн томуу өвчнөөс сэргийлэх тарилгыг жил бүр хийдэг билээ.

Тэгвэл энэ жил ямар төрлийн, хаана үйлдвэрлэсэн вакцинаар хүүхдүүдийг дархлаажуулах талаар ЭМЯ-ны нийтийн эрүүл мэндийн тусламжийн бодлого хэрэгжилтийг зохицуулах газрын дарга Л.Энхсайхантай холбогдож дараах мэдээллийг тодрууллаа.

- Томуугийн вакцин хаана үйлдвэрлэсэн вакцин байх вэ?

- Олон улсад Good Manufacturing Pracrtices /GMP/ гэх стандарт байдаг. Эмийн үйлдвэрлэлийн хувьд тухайн эмийг стандартад заасны дагуу үйлдвэрлэж, чанарыг нь шалгаж баталгаажуулж байгаа олон улсын систем бөгөөд /QC+QA/ чанарын хяналт+ чанарын баталгаажилт гэсэн хэсгээс тогтоно. Энэ шаардлагыг хангасан л байвал хаана үйлдвэрлэсэн нь төдийлөн чухал байдаггүй.

- Вакцинаа хэзээнээс тарьж эхлэх вэ?

- НҮБ-ын хүүхдийн санд он эхэлмэгц захиалгаа өгсөн байгаа. Есдүгээр сарын 28-нд томуугийн эсрэг вакцин Монгол улсад ирнэ. Аравдугаар сараас эхлээд вакцин хийж эхлэх төлөвлөгөөтэй байна.