/2023.09.05/: Шар айраг хамтлагийн гишүүн Г.Ганхүүгийн санаачилгаар, Б.Дэнзэн Английн домогт Битлзийн хөшөөг урлаж, 2008 онд фонтаны гудамжинд байршуулсан юм. Ийнхүү байрлуулахдаа Битлз хамтлагийн дуучин Жон Ленноны төрсөн өдрөөр нээлтийг нь хийж байв.

Уг хөшөөг нэгэн цагт АНУ-ын сэтгүүлд ч онцлон ярьж байсан удаатай. Мөн ази тивд баригдсан Битлз хамтлагийн анхны хөшөө гэгддэг.

Өнөөдрийг хүртэл арын хэсэг нь улаан тоосгон хэв маягтай байсан уг хөшөөний арын хэсгийн Украины туг, далбааны өнгөөр будсан "хэрэг" гарчээ.

Үүнийг Монгол Улсын 20 дох Ерөнхий сайд М.Энхсайхан "Ваав" хэмээн хүлээн авсан юм.

Харин 27 дох Ерөнхий сайд С.Баяр дараах байдлаар дургүйцэн хүлээж авав:

Вау биш л дээ. Би бээр Украины эсрэг өдөөсөн дайныг эхний өдрөөс нь эсэргүүцэж яваа нэгэн. Гэтэл энэ бол хөшөө. Муу сайн ч санаачлагч, бүтээгч, дэмжигч олны зүтгэлээр боссон баримал. Хэн дуртай нь цагийн аяс даган ийн будах, өөрчлөх эрх үгүй. "Яадаөг юм, бид эрхтэй" гэж хэн нэгэн… https://t.co/mD1UlhzSnZ

— S.Bayar (@SBayar12) September 4, 2023