/2023.09.01/: Өнөөдөр Засгийн газрын ээлжит бус хуралдаан болж өндөрлөлөө.
Засгийн газрын хуралдаанаас гарсан шийдвэрийг Монгол Улсын сайд Д.Амарбаясгалан танилцууллаа.
Тэрбээр, энэ оны есдүгээр сард МУ-ын Засгийн газар, Ерөнхий сайд, ЗГ-ын гишүүд 21 аймаг, Улаанбаатар хотын түвшинд ард иргэдтэй уулззаж төслийн хөрөнгө оруулалт, олон улсын зээл тусламжаар хэрэгжиж байгаа төсөл хөтөлбөрүүд зэргийн талаар ярилцаж санал солилцон ард иргэдээс санал авахаар боллоо.
"Шинэ сэргэлтийн таван тойрог" гэх төслийг хэрэгжүүлэхээр Засгийн газраас шийдвэрлэлээ. Энэхүү төсөл нь МУ-ын хэмжээнд өнөөдөр аймаг орон нутаг, Улаанбаатар хотын хөгжлийг хязгаарлаж байгаа гол хүчин зүйлүүдийг нэг цогцоор шийдвэрлэх бодлогыг хэрэгжүүлж эхэлж байна. Энэ дотор авто замын дэд төслүүд, эрчим хүчний дэд төслүүд, дулаан хангамжийн дэд төслүүд, орон сууцны хүрэлцээ, хангамжийг бий болгох дэд төслүүдийг "Шинэ срэгэлтийн таван тойрог" гэж нэрлэж байна.
