.jpg&w=100&h=100)
Биднийг очиход шавар гэрүүдийг буулгаж дуусаад, хог хаягдлыг нь Биокомбинатын хогийн цэг рүү зөөх ажил эхэлж байсан юм. Эдгээр гэрүүд өдгөөгөөс 10 гаруй жилийн өмнө баригдаж байжээ. Тийм ч учраас гэрийн мод, хөөсөнцөр зэрэг нь илжирч, хөгцөрсөн байв. Энд ажиллаж буй холбогдох компанийн ажилчдаас газрыг хэзээ цэвэрлэж дуусгаж, тохижилтын ажлыг эхлүүлэх талаар тодруулахад, "Замын түгжрэл бага байвал өнөөдөртөө багтаад хогийг нь ачаад хогийн цэг рүү зөөж дуусгах боломжтой. Тохижилтын ажил хэзээ эхлэхийг мэдэхгүй байна" гэсэн юм.
-Энэ газрыг чөлөөлж байгаа нь их зөв зүйл. Учир нь нийслэлд иргэдэд зориулсан ногоон байгууламж цөөхөн байдаг. Цаашид энэ талбайг тохижуулахдаа байгалийн унаган төрхийг нь хадгалбал илүү иргэдэд ээлтэй байх болов уу. Жишээлбэл, явган хүний зам нь газраас хөндий байж болно шүү дээ. Мөн бохироо соруулж авдаг ариун цэврийн байгууламжтай болвол зүгээр байх. Үүнийг тооцоолж үзсэн байх гэж бодож байна.
Мөн буулгасан шавар гэрүүдээс зарим хэрэглэж болохоор, тухайлбал, тоосго зэрэг материалыг иргэдэд өгсөн бол ашиглаж болохоор зүйлс нэлээд байна гэсэн юм.
Мөн иргэн О.Батцэцэг:
-Энэ хавьд 00 бариад өгчихвөл л болох гээд байна. Би сая Богд уулнаас наашаа амралтын газруудад нь 00 байгаа болов уу гэж бодоод бууж ирлээ. Гэтэл нь ажиллахгүй гэж байна.
Мөн нэгдсэн хогийн цэг байдаггүй юм байна. Уг нь иргэд нэг үеэ бодвол хог тарихгүй, байгаль орчинд ээлтэй аялаж, амардаг болоод байгаа. Гэтэл нэгдсэн хогийн цэг байхгүй учир хогоо буцаагаад аваад явж байна гэлээ.
ВИДЕО ҮЗЭХ:
