/2021.07.22/: Монгол орны Ховд, Архангай, Өмнөговь, Дорноговийн нутгаар элбэг тархацтай бөгөөд ихэвчлэн хад асгатай газарт нутагладаг боловч энэ жил бороо, ус ихтэй байгаа учир усаар дамжин нийслэлд ихээр үзэгдэх болжээ.
Энэхүү могой нь Монгол улсад нутагладаг могойнуудын хамгийн хортойд тооцогддог бөгөөд хорыг нь анагаах ухаанд өргөнөөр ашигладаг юм байна.
Биеийн ерөнхий зүс нь хул шарга юм уу хар хүрэн. Гэвч биеийн зүс маш хувьсамтгай. Тухайлбал ой мод бүхий нутгийнх ихэвчлэн тод хар хүрэн, говь цөлийн бүсийнх цайвар юм уу бор шарга байна. Нуруу ба сүүлний дагуу хөндлөн цагаан судалтай. Энэ судал заримдаа дундуураа тасархайтсан байдаг. Биеийн хоёр хажуугаар тууш эгнэсэн цайвар бараан толботой. Хүүхэн хараа нь босоо байдгаараа бусад могойноос ялгаатай ажээ.
Хэрэв та нийслэлд энэхүү могойтой таарвал дараах мэргэжлийн байгууллагад хандан мэдээлэл өгөөрэй.
Нийслэлийн байгаль орчны газар
: 318003, 323780
Эх сурвалж: Экологийн цагдаагийн алба
