/2024.04.19/: Өнөөдөр Иранд болсон дэлбэрэлтийг Израйль цохилт өгсөн гэж АНУ-ын албаны хүн CNN агентлагт ярьжээ.
Үүний улмаас Ойрхи Дорнод дахь мөргөлдөөнийг улам хурцатгах аюул заналхийлж байна.
Баасан гарагийн өглөө Исфахан муж дахь нисэх онгоцны буудал болон армийн баазын ойролцоо дэлбэрэлт сонсогдсоны дараа Ираны агаарын довтолгооноос хамгаалах системийг хэд хэдэн газарт идэвхжүүлсэн байна.
Энэ халдлагын хариуцлагыг Израиль хүлээгээгүй бөгөөд халдлагын улмаас ямар нэгэн хохирол байхгүй гэв.
Ираны мэдээлснээр: Исфахан хотын баруун хойд хэсэгт сөнөөгч онгоцууд байрладаг цэргийн баазын ойролцоо гурван дэлбэрэлт болсон гэж Ираны FARS мэдээллийн агентлаг мэдээлэв. Цохилтын дараа Ираны хэвлэлүүд Исфахан орчмын бүх байгууламжууд, тэр дундаа тус бүс дэх цөмийн томоохон байгууламжууд аюулгүй байгаа гэж мэдээлэв. Ираны Үндэсний кибер орон зайн төвийн хэвлэлийн төлөөлөгч Хоссейн Далириан хэлэхдээ, агаарын довтолгооноос хамгаалах систем гурван нисгэгчгүй онгоцыг устгасан бөгөөд "Одоогоор пуужингийн довтолгооны тухай мэдээлэл алга байна" гэв.
Яагаад ийм зүйл болов? Израиль улс Ираны холбоотон болох Палестины Хамас бүлэглэлийн эсрэг Газын зурваст дайн хийж байгаа тул Ойрхи Дорнод даяар хурцадмал байдал үргэлжилж байна. Үүний зэрэгцээ, өнгөрсөн амралтын өдөр Иран Израиль руу урьд хожид байгаагүй дайралт хийснээр Израйль, Ираны хооронд хэдэн арван жил үргэлжилсэн сүүдрийн мөргөлдөөн ил болсон юм.
АНУ: Израилийн холбоотнууд, тэр дундаа АНУ бүс нутгийн дайнаас урьдчилан сэргийлэхийн тулд Израилийг тэвчээртэй байхыг уриалав. Баасан гарагт цохилт өгөхөөс өмнө Израиль иргэний болон цөмийн байгууламжуудыг онилохгүй гэж АНУ найдаж байсан гэж албаны хүн мэдэгдэв.
Дараа нь: Энэ нь бас тодорхойгүй хэвээр байна. Гэсэн ч дэлбэрэлт болохоос хэдхэн цагийн өмнө Ираны Гадаад хэргийн сайд Хоссейн Амир-Абдоллахиан CNN-д хэлэхдээ, хэрэв Израиль Ираны эсрэг дахин цэргийн ажиллагаа явуулбал нэн даруй бөгөөд томоохон хэмжээний хариу арга хэмжээ авна. Хэрэв Израилийн дэглэм дахин ноцтой алдаа гаргавал бидний хариу арга хэмжээ шийдвэртэй, шийдэмгий бөгөөд тэдний хувьд харамсалтай байх болно" гэж байсан юм.
Эх сурвалж: CNN
