/2022.07.25/: “Economist Intelligence Unit” /EIU/-ийн судлаачид инфляц, зээлийн өртөг нэмэгдэж, эдийн засгийн хямрал нүүрлэснээр Азийн хөгжиж буй орнууд гадаад өрийн эргэн төлөлтөө хийх боломжгүйд хүрч, дефолт болох эрсдэлтэй байгаа талаар анхаарууллаа.
Ирэх дөрвөн жилд төлбөрөө төлөхгүй байх магадлал хамгийн өндөр байгаа нь Лаос, дараа нь Монгол Улс орж байна гэж EIU пүрэв гарагт гаргасан тайландаа дурьдаад Мьянмар ч бас болзошгүй эрсдэлтэй гэж нэмж хэлэв.
Энэ онд Шри Ланка, Орос улс өрийн төлбөрөө зогсоосны дараа дэлхийн бондын хөрөнгө оруулагчид түүхэн дампуурлын аюулаас болгоомжилж эхэлжээ.
Нөөцөө багасгаж импортын өсөлттэй тэмцэж буй хилийн эдийн засагт санаа зовоосон асуудал илүү хурцаар тавигдаж, Холбооны Нөөцөөс зээлийн хүүг огцом өсгөсөн нь дэлхийн хэмжээнд зээлийн зардлыг өсгөж байна.
Энэ нь дэлхийн өнцөг булан бүрт хөгжиж буй эмзэг эдийн засагтай улсуудад томоохон эрсдэл бөгөөд Bloomberg Intelligence Эль Сальвадор, Гана, Египет, Тунис, Пакистан ч байгааг онцолжээ.
Эдүгээ 21 хөгжиж буй зах зээл байгаа бөгөөд хөрөнгө оруулагчид дефолт болох магадлал өндөр гэж үзэж байгааг харуулж байна. Энэ эрсдэл нь 2021 оны эцсийнхээс хоёр дахин их байна гэж Блүүмбэргийн индексээс мэдээлэв.
"Бидний хийсэн дүн шинжилгээ нь Лаос болон Монгол улсууд 2022-2026 онд Шри Ланктай адил дефолт болох эрсдэл хамгийн их байгааг харуулж байгаа бөгөөд эхний улсад илүү санаа зовж байна" гэж EIU хэлэв. Мьянмар харьцангуй тогтвортой байх төлөвтэй байгаа хэдий ч “дотоодын мөргөлдөөн хурцадсан нь тусгаар тогтносон улсын эргэн төлөгдөх чадварт сөргөөр нөлөөлж болзошгүй юм” гэв.
Эх сурвалж: Bloomberg
