/2022.06.20/: Хятад улс өчигдөр шөнө баллистик пуужин эсэргүүцэх туршилт амжилттай хийсэн тухай тус улсын Батлан хамгаалах яамнаас мэдээллээ.
Энэ бол Хятадын хилийн дотор туршилт хийсэн хуурай замын дунд тусгалтай пуужин байсан гэж тус яам товч мэдэгдэлдээ дурдаад туршилт нь хамгаалалтын шинж чанартай бөгөөд аль нэг улсын эсрэг чиглээгүй байна.
Баллистик пуужингийн эсрэг системүүд нь ирж буй пуужингууд, тэр дундаа тив хоорондын баллистик пуужингуудыг саатуулах зорилгоор ашиглан улс орноо болзошгүй халдлагаас хамгаалах зорилготой юм. Зарим шинжээчид үүнийг сум сумаар буудахтай адилтгадаг байна.
Хятад улс газар дээр суурилсан баллистик пуужингийн туршилтыг зургаа дахь удаагаа хийж байна гэж төрийн мэдээллийн Global Times сонинд бичжээ. Тус улс ийм туршилтыг 2010 оноос хойш хийж байгаа бөгөөд ихэвчлэн хэдэн жил тутамд хийдэг.
Энэхүү туршилтаас өмнө Хятад улс 2021 оны хоёрдугаар сард баллистик пуужингийн туршилт хийсэн гэж тус улсын хэвлэлд мэдээлжээ.
Энэхүү туршилт нь бүс нутгийн хувьд нилээд хурцадмал байдалтай байгаа үед тохиож байгаа бөгөөд сүүлийн үед Хойд Солонгос ойрын тусгалтай баллистик пуужин болон ICBM гэж таамаглаж буй пуужингийн туршилтуудыг ар араас нь хийсэн юм. Өмнөд Солонгос болон АНУ-ын албаны хүмүүс мөн Хойд Солонгосын цөмийн туршилтын талбай идэвхжил сэргэж байгаа нь тус улс 2017 оноос хойш анх удаа цөмийн туршилт хийхээр төлөвлөж байх магадлалтай гэж анхааруулсан байна.
Тавдугаар сард албан тушаалдаа орсон Өмнөд Солонгосын Ерөнхийлөгч Юн Сук Ёол Хойд Солонгосын талаар хатуу байр суурь баримтлахаа амлаж, баллистик пуужингийн эсрэг хоёр дахь системийг суурилуулахыг эрэлхийлэхээ хэлсэн юм.
2016 онд Өмнөд Солонгос АНУ-д үйлдвэрлэсэн Өндрийн бүсийн хамгаалалтын (THAAD) терминалын системийг байрлуулна гэж зарласнаар Хятадтай жилийн турш дипломат маргаан үүсгэсэн юм.
THAAD нь богино, дунд зэргийн баллистик пуужинг харвах зориулалттай бөгөөд Гуам, Хавай зэрэг газар нутгийг хамгаалахад АНУ-ын арми ашигладаг.
Эх сурвалж: CNN
