/2022.01.21/: 2020 онд сургуулиудыг хааж, хөл хорьж эхэлснээс хойш тахал нь хүүхдүүдийн сэтгэцийн эрүүл мэндэд ихээхэн хохирол учруулсан бөгөөд багш нар энэ асуудалтай нүүр тулж, судлаачид шалтгааныг нь ойлгохоор судлаж байна.
JAMA Pediatrics сэтгүүлд нийт 11 улсыг хамарсан судалгаагаар тахлын эхний өдрүүдэд 19 ба түүнээс доош насны хүүхдүүдэд сэтгэл түгших, сэтгэл гутралд ихээр автах болсон бөгөөд тахалын улмаас дэлгэцийн цаг ихэсч, биеийн хөдөлгөөн багасч, насанд хүрэгсдийн дэмжлэг буурсанаас үүдэлтэй хүүхэд сэтгэцийн аюултай нөхцөл байдалд орсон байна.
Судлаачид 2020 оны хоёрдугаар сараас долоодугаар сар хүртэл сургууль хаагдсаны үр нөлөөг судлахад 11 орны 80,000 орчим хүүхэд болон өсвөр насныхан, 18,000 гаруй эцэг эхийг 36 төрлийн судалгаанд хамруулсан байна. Судалгааны үр дүнд:
- Нийт хүүхэд, өсвөр үеийнхний 18-60 хувь нь хүчтэй “стресс” буюу сэтгэлийн түгшүүр, сэтгэлийн хямралын шинж тэмдэгтэй байсан бөгөөд энэ нь зарим улс орны өсвөр насны 4 хүүхэд тутмын 1-т илэрсэн байна.
- Судалгаанаас үзэхэд дэлгэцийн цаг, олон нийтийн сүлжээний хэрэглээ нэмэгдэж байгаа бол зарим судалгаагаар биеийн хөдөлгөөн буурч байгаа нь хүүхдүүдийн сэтгэл гутралд орох эрсдэлийг нэмэгдүүлж байгааг тогтоожээ.
- Хүүхэд хамгааллын талаар лавлагаа авах хүмүүсийн тоо 27-40% хүртэл буурч байгаа нь судалгаагаар тогтоогджээ. Тоо баримтаас харахад энэ бууралтын дийлэнх нь сургуулийн оролцоо дутмаг байснаас үүдэлтэй бөгөөд хүүхдүүд сурган хүмүүжүүлэгчид болон бусад насанд хүрэгчидтэй харилцах нь багасаж хайхрамжгүй байх хүчирхийлэл нэмэгдэх магадлал өндөр байгааг харуулж байна.
- Гэсэн хэдий ч судалгаанаас үзэхэд сургууль хаагдах болон залуучуудын дундах амиа хорлох хоёрын хооронд тийм ч их хамаарал байхгүй байгааг тахлын эхний саруудад илрүүлжээ.
Доктор Даниэль Дули тэргүүтэй эрүүл мэндийн эмч нар JAMA-ийн шинжилгээний талаархи тайлбартаа эрүүл бус жин нэмэх, дархлаажуулалт болон бусад эрүүл зан үйлийн саатал зэрэг нь сургууль хаагдсантай холбоотой бөгөөд эдгээр шинж тэмдгүүд аль хэдийн ажиглагдаж эхэлсэн гэж мэдэгджээ.
"Сургууль хаагдсаны улмаас ирлэх эдгээр үр дагавар нь АНУ-ын сургуулийн сурагчдын дундаж наслалт буурах зэрэг урт хугацааны үр дагаврыг дохио болж байна" гэж эмч нар бичжээ. "Хүүхдүүд тэсвэр тэвчээртэй байдаг, гэхдээ энэ тэсвэр тэвчээр нь хувь хүний болон тогтолцооны дэмжлэг үзүүлэх, нийгмийн хөрөнгө оруулалт хийх болон хүүхдэд тахлын богино, дунд, урт хугацааны нөлөөллийг илрүүлэх шинжлэх ухааны судалгаа хийх шаардлагатай.”
JAMA судалгаанд долоо хоногоос гурван сар хүртэлх сургуулиудын хаалтыг авч үзсэн. Олон нийтийн хөл хорио болон бусад хорио цээрийн арга хэмжээний хариуд сургуулиуд хаагдсан эсвэл онлайн сургалтанд шилжсэний улмаас сэтгэцийн эрүүл мэндийн асуудал үүссэн үү гэдгийг судалгаа нотолж чадахгүй байгааг судлаачид анхааруулав. Судалгаанд арьсны өнгөний ялгаатай хүүхдүүдийн туршлагыг судлаагүй ч орлогын янз бүрийн түвшний хүүхдүүдийн дунд хийсэн цөөн тооны судалгаагаар ядууралд орсон хүүхдүүдийн сэтгэлийн түгшүүрийн түвшин өндөр байгааг харуулжээ.
АНУ-ын Ерөнхий мэс заслын эмчийн 12 дугаар сард гаргасан тайланд ихэнх хүүхдүүд тахнимаар суралцаж эхэлснээс хойш дийлэнх хүүхдүүдийн сэтгэцийн эрүүл мэндийн асуудал буурч эхэлсэн гэж үзсэн байна.
JAMA-ийн судлаачид тахлын эхний давалгааны үеэр хүүхэд, өсвөр насныхан насанд хүрэгчдийнхээс илүүтэй хямарч эхэлсэн нь тогтоожээ. Учир нь насанд хүрэгчид бие биетэйгээ онлайнаар эсвэл биечлэн хүн хоорондын зай барин уулзаж байсан бол хүүхдүүд сургуулиас гадуур үе тэнгийнхэнтэйгээ бараг уулздаггүй байсан.
Лос Анжелес дахь Калифорнийн их сургууль Сургуулийн Сэтгэцийн Эрүүл Мэндийн Төвийн сэтгэл судлалын профессор Ховард Адельман "Бид цар тахлын бэрхшээл, суралцах, зан байдал, сэтгэл хөдлөлийн асуудалтай тулгарсан сурагчдын тоо нэмэгдэж байгааг багш нараас байнга сонсож байна" гэж хэлэв. Тэрээр "Оюутны сургалтын тогтолцоог өөрчлөхгүйгээр зөвхөн сургуулиудад сэтгэцийн эрүүл мэндийн ажилтнуудын тоог нэмсэнээр сургуулиудад тулгарч буй сургалтын чанар, зан үйл, сэтгэл хөдлөлийн асуудлуудыг даван туулахад хүнд байх болно" гэж анхааруулав.
Олон сургууль сургалтын, нийгэм-сэтгэл санааны болон сэтгэцийн эрүүл мэндийн тусламж үйлчилгээгээг олон шатлалт дэмжлэгийн систем эсвэл эерэг зан үйлийн оролцоо, дэмжлэг гэх мэт үйл явцыг ашиглан зохион байгуулдаг боловч Аделман хэлэхдээ, эдгээр арга нь нарийн төвөгтэй, өргөн тархсан сэтгэцийн эрүүл мэндийн асуудлыг шийдвэрлэхэд хэтэрхий хязгаарлагдмал байдаг гэж хэлэв.
Эх сурвалж: Edweek
