/2022.08.15/ Булган аймгийн Булган сумын 6 дугаар багийн нутагт мал амьтны гоц халдварт үхрийн арьс товруутах өвчин илэрчээ.

Тиймээс 14 өрхийн 4 530 м2 талбай, устгалын цэгийн 120 м2 талбай, бэлчээр 5 300 м2 талбай болон 17 машин техникийг халдваргүйжүүлсэн байна. Мөн голомтын бүсэд байгаа 14 өрхийн үхрийг тусгай зориулалтын ариутгалын бодисоор шүршиж ариутгажээ.

Голомттой буюу сэжигтэй бүсэд наймдугаар сарын 12-13-ны өдрүүдэд 24 өрхийн 1 219 үхэр, 438 тугалд вакцинжуулалт хийсэн байна.

Мал амьтны халдварт өвчин бүртгэгдсэн болон сэжигтэй бүсэд зорчихгүй байхыг анхаарууллаа.

Эх сурвалж: Булган аймгийн ЗДТГ