/2023.11.23/: Пхеньян цэргийн тагнуулын хиймэл дагуул хөөргөсний хариуд Сөүл хэлэлцээрийн зарим хэсгийг түдгэлзүүлсэн.
Харин үүний хариуд БНАСАУ Өмнөд Солонгостой хиллэдэг хил рүү илүү олон цэрэг, цэргийн техник шилжүүлж, 2018 онд байгуулсан хамтарсан цэргийн хэлэлцээр хүчингүй болсон гэж мэдэгдлээ.
БНАСАУ энэ гэрээнд оролцохгүй гэж тус улсын Батлан хамгаалах яамнаас иш татан пүрэв гарагт мэдээлэв.
БНАСАУ-ын удирдагч Ким Чен Ун, Өмнөд Солонгосын ерөнхийлөгч асан Мүн Жэ Ин нар 2018 онд болсон дээд хэмжээний уулзалтын үеэр хойгийн хурцадмал байдлыг намжаах, хоёр улсын хооронд итгэлцлийг бий болгох оролдлогын хүрээнд Цэргийн цогц хэлэлцээрт гарын үсэг зурсан юм.
Тав болон наймдугаар сард хиймэл дагуул хөөргөх оролдлого бүтэлгүйтсэн хэдий ч саяхан Маллигёнг-1-ийг тойрог замд амжилттай хөөргөсөн гэж БНАСАУ мэдэгдсэний дараа лхагва гарагт Сөүл хэлэлцээрийн зарим хэсгээс татгалзаад байсан юм.
Солонгосын албан ёсны төв мэдээллийн агентлаг (KCNA)-аас гаргасан мэдэгдэлд, "Бид өмнөд-умард цэргийн хэлэлцээрийн дагуу зогсоосон бүх цэргийн арга хэмжээг нэн даруй сэргээнэ. Бид газар, далай, агаар зэрэг бүх салбарт цэргийн зааг шугамын дагуу илүү хүчирхэг зэвсэгт хүчин, шинэ төрлийн цэргийн техник хэрэгслийг байрлуулна" гэж мэдэгдэв.
"Өнөөгийн нөхцөл байдлыг хяналтаас гаргасан хариуцлагагүй, ноцтой улс төр, цэргийн өдөөн хатгалгад Өмнөд Солонгос маш их мөнгө төлөх ёстой" гэж Хойд Солонгос мэдэгдэв.
Ким Хойд Солонгосыг хөршөө хянах, Өмнөд Солонгос, АНУ-аас ирж буй аюул заналхийллийг даван туулах чадварыг сайжруулхаар цэргийн шинэчлэлийн хөтөлбөрийн тэргүүлэх чиглэл болгож, тагнуулын хиймэл дагуулыг амжилттай хөгжүүлсээр ирсэн.
11 дүгээр сарын 22-ноос 12-р сарын 1-ний хооронд хиймэл дагуул хөөргөх хүсэлтэй байгаагаа Пхеньян Японд мэдэгдснээс хойш хэдхэн цагийн дараа буюу Мягмар гарагийн орой Маллигёнг-1-ийг хөөргөжээ.
БНАСАУ-ын цөмийн зэвсэгтэй баллистик пуужингийн хөтөлбөрийг хязгаарлах зорилготой НҮБ-ын Аюулгүйн Зөвлөлийн хориг арга хэмжээний дагуу ийм хөөргөлтийг хориглосон бөгөөд үүнийг Өмнөд Солонгос, Япон, АНУ, НҮБ нэн даруй буруушаажээ.
Лхагва гарагийн үдээс хойш пуужин хөөргөсний хариуд Өмнөд Солонгос 2018 оны хэлэлцээрийг хэсэгчлэн түдгэлзүүлж, хойд хил дээрээ ажиглалтын ажиллагаагаа сэргээв.
Эх сурвалж: ВВС
