/2022.09.13/ Баянгол дүүргийн 26 дугаар хорооны нутаг дэвсгэрт байрлах ... байрны орцонд 8 настай, эрэгтэй “Э”-г үл таних хүн хуурч мэхлэн орц руу оруулан, айлган сүрдүүлж гар утсыг нь дээрэмдсэн хэрэг гарчээ.
Үүний дагуу тус дүүрэг дэх цагдаагийн газрын нэгдүгээр хэлтсийн Эрүүгийн цагдаагийн тасгийн алба хаагчид эрэн сурважлах ажиллагааг шуурхай зохион байгуулсан байна. Улмаар БГД-т оршин суух хаягтай 32 настай, эрэгтэй “Б” гэгч үйлдсэнийг тогтоожээ. Одоогоор мөрдөн шалгах ажиллагаа явуулж байна гэв.
