/2023.7.27/ Орон нутгийн хөгжлийн сангийн үйл ажиллагаа өөрийн цаг хугацаатай. Тухайн цаг хугацаанд нь багтааж ажиллах журамтай.

Энэ журмын дагуу долоодугаар сард багтаан нээлттэй хэлэлцүүлгийг Нийслэлийн дэргэдэх иргэний танхимаар хоёроос доошгүй удаа зохион байгуулах ёстой. Үүний тулд нийтэд зар мэдээ түгээх учиртай. Танай дүүрэг, хороо энэ талаарх мэдээллийг хүргэж, нээлттэй хэлэлцүүлэг зохион байгуулсан уу?

ОНХС-аар хийгдэх ажилд иргэдээс өгсөн саналыг жагсааж, энэхүү урьдчилсан жагсаалтыг энэ нээлттэй хэлэлцүүлгээр хэлэлцэх юм. Ингэснээр эцсийн жагсаалт гарч, төсөл хөтөлбөрүүдийн нэгдсэн жагсаалтыг Засаг даргын зөвлөлийн хурлаар хэлэлцүүлнэ. Энэ хурал наймдугаар сарын 10-ны дотор болно гэж Сангийн сайдын журамд заасан байдаг.