Монгол Улс /2021.06.24/: Takesan Miso Ramen хоолны газар "Тэвчээр тасарлаа. Цаашид хөл хорио, хязгаарлалт бидний аж амьдрал, эдийн засгийг сэргээхгүй гэж үзэж байгаа тул өнөөдрөөс үйл ажиллагаагаа хэвийн үргэлжлүүлнэ" гэж мэдэгдлийг өнөөдөр гаргаж, заалаар үйлчлэхээр болжээ.

Уг нь Улсын онцгой комиссоос хоолны газар, ресторануудыг заалаар үйлчилгээ үзүүлэхгүй байхыг үүрэгдсэн, мөн "Эрдэмтдийн зөвлөл"-өөс долоодугаар сарын 2-ны өдрөөс хатуу хөл хорио тогтоох нь зүйтэй хэмээн мэдээлээд буй юм.

Гэвч Takesan Miso Ramen хоолны газраас гаргасан мэдэгдлийн дараа маш олон аж ахуйн нэгжүүд ар араасаа "Тэвчээр тасарлаа" хэмээн мэдэгдэж, үйл ажиллагаагаа хэвийн явуулна хэмээн мэдээлж эхлэв. Бид цөөн хэдэн аж ахуйн нэгжийн мэдэгдлийг эвлүүлсэн зургийг хүргэж байна.