/2022.3.16/ Фокс ньюс сувгийн зураглаач 55 настай Пьер Закржевски, 24 настай Олександра Кушинова нар Украинд ажиллаж байхдаа амиа алджээ.

Киевийн ойролцоо Хоренка гэх газар тэдний зорчиж явсан машин руу гал нээсний улмаас тус хэрэг болжээ.

Тэдэнтэй хамт ажиллаж байсан 39 настай Бенжамин Холл шархдан эмнэлэгт хүргэгдсэн байна. Фокс ньюс сувгийн захирал Сюзанн Скотт энэ мэдээллийг сонсоод "Зүрх зүсэм, харуусалтай өдөр" хэмээжээ.

Зураглаач Пьер Закржевски Фокс ньюсын дайны зургуудыг бэлтгэдэг туршлагатай нэгэн байв. Тэрээр Ирак, Афганистан, Сирийн дайны сурвалжлагыг хийж байжээ.

Эх сурвалж: Фокс ньюс