/2022.03.16/ Эрүүгийн цагдаагийн албанаас Говь-Сүмбэр, Дундговь, Дорноговь, Сүхбаатар, Хэнтий, Өвөрхангай, Төв аймгийн нутаг дэвсгэрт оршин суудаг иргэдийн гэрээс дээрэм хийсэн этгээдүүдийг баривчилжээ.

Тодруубал, хэрэг үйлдсэн этгээдүүд нь 2021 оны долоодугаар сараас эхлэн иргэдийн гэрээс мөнгөн эмээл, хазаар, мөнгөн аяга, хөөрөг, бурхан шашны эд зүйлсийг хулгайлж, их хэмжээний хохирол учруулсан байна.

Мөрдөн шалгах ажиллагааны үр дүнд дээрх этгээдүүдээс шашны судар, төмөр болон модон гуутай бурхан, зурмал бурхан, мөнгөн хазаар, эмээл, хөөрөг, даалин зэргийг хураан авчээ.

Одоогоор цагдаагийн газраас хохирогч нарыг тогтоохоор ажиллаж байгаа бөгөөд дээр дурдсан эд зүйлсийг алдсан иргэд Эрүүгийн цагдаагийн албаны 262425, 99093548 дугаарын утсаар холбогдоно уу.