/2022.03.14/: Дайны ажиллагаа Польшийн хил рүү ойртож байгаатай холбогдуулан НАТО Оростой шууд мөргөлдөөн гарах вий гэсэн болгоомжлолыг гуравдугаар сарын 13-нд Испанийн “20 minutos” сонинд мэдээлэв.

НАТО-гийн гишүүн орны нутаг дэвсгэрт Оросын пуужин унаж болзошгүй, хариу арга хэмжээ авах шаардлагатай байгаа тул тулалдааныг Польшийн хил рүү ойртуулж буй Оросын армийн шинэ стратегид НАТО санаа зовниж байна.

Сонины мэдээлснээр, Львовын бүс нутгийн зөвлөл Польштой хиллэдэг Украины цэргийн баазад Оросын гуч гаруй пуужин харвасан тухай мэдээлсэн байна. Одоогоор Оросын тусгай ажиллагааны гол анхаарал Украины зүүн хойд болон өмнөд хэсэгт төвлөрч байсан ч сүүлийн өдрүүдэд баруун зүгт сум нисэж эхэлжээ.

Пуужингийн нэг нь НАТО-гийн хилээс 25 км-ийн зайд унасан бөгөөд энэ нь холбоотнуудад түгшүүр төрүүлэх шинэ хувилбарыг нээж байна гэж тус хэвлэлд бичжээ.

Эх сурвалж: КВ