/2022.01.18/ УИХ-ын чуулганы хуралдаанаар Газрын тухай хуульд нэмэлт, өөрчлөлт оруулах тухай хуулийн төсөл болон хамт өргөн мэдүүлсэн хуулийн төслүүдийг хэлэлцэж байна.

Хэлэлцэж буй асуудалтай холбоотойгоор гишүүд асуулт асууж, үг хэлж байна.

УИХ-ын гишүүн Б.Энхбаяр, "Улсын мэргэжлийн хяналтаас гаргасан дүгнэлтээр ашиглалтын хугацаа дууссан, газар хөдлөлтөд тэсвэргүй, нураах шийдвэр гарсан 500 орчим орон сууц байна. Үүнээс манай БЗД-т 27 байна. Аймгуудаас хамгийн их нь Хэнтий аймагт 40 орон сууц байгаа. Эдгээр орон сууцыг иргэд олон сая төгрөгөөр худалдаж авсан. Хэрэв шийдвэр гаргаад маргааш нураана гэвэл энэ хүмүүс гудамжинд гарах уу" гэлээ.